रायपूरच्या आठवडी बाजारात हिवतापा विषयी जनजागृती; माहिती पत्रकाचे वाटप

लक्षणे आढळल्यास रुग्णांनी उपचार करावा

दोन आठवड्यापेक्षा जास्त खोकला व ताप आसल्यास किंवा वजनात घट झाल्यास थुंकीद्वारे रक्त पडल्यास अशा रुग्णांने तात्काळ आरोग्य केंद्र किंवा इतर शासकीय रुग्णालयात जाऊन तातडीने उपचार करून घ्यावा.
– डॉ.अक्षय जाधव, वैद्यकीय अधिकारी.

रायपूर येथील आठवडी बाजारात आज मंगळवार, दि.23 जून 2026 रोजी प्राथमिक आरोग्य केंद्राच्या वतीने तालुका आरोग्य अधिकारी डॉ.एम.डी.सरपाते, वैद्यकीय अधिकारी डॉ.अक्षय जाधव यांच्या मार्गदर्शनाखाली आरोग्य कर्मचाऱ्यांनी हिवतापाबाबत ग्रामस्थांमध्ये जनजागृती केली. यावेळी दुकानदार, भाजीपाला विक्रेता व बाजार करुंणा किटकजन्य रोग नियंत्रण बाबत सविस्तर माहिती देऊन त्यांना माहिती पत्रकाचे वाटप करण्यात आले.

रायपुर येथे दर मंगळवारी आठवडी बाजार भरतो या बाजारासाठी गावाला लागून असलेल्या दहा ते पंधरा खेड्यातील दुकानदार भाजीपाला विक्रेते, ग्रामस्थ, नागरिक बाजारात विविध वस्तू खरेदी करण्यासाठी येतात. त्यामुळे किटकजन्य आजाराबाबत त्यांना माहिती व्हावी यासाठी रायपूर येथील प्राथमिक आरोग्य केंद्राचे वैद्यकिय अधिकारी डॉ.अक्षय जाधव , डॉ.शिल्पा सरपाते व प्रयोगशाळा अधिकारी श्रीमती विशाखा वाकोडे, आरोग्य सहाय्यक श्री.आर.एस.जाधव, श्री.डी एच देंगलुरकर व आरोग्य सेवक भागवत सावंत,विकास सुसर, अभिजीत भारसाकळे, शुभम काळवाघे, पंकज साळोक, विष्णु लहासे व गोपाल हनवते,ज्ञानेश्वर खंडागळे व इतर यांनी आठवडी बाजारातील दुकानदार भाजीपाला विक्रेते तसेच बाजार करून नागरिकांना या किटकजन्य रोग नियंत्रणाबाबत माहिती दिली. यावेळी त्यांना माहिती पत्रकाची आरोग्य कर्मचाऱ्यांच्या वतीने वाटप करण्यात आले. त्यानंतर ग्रामपंचायत मध्ये व्ही. डी.इंगळे ग्रामविकास अधिकारी व ग्रामपंचायत सदस्य यांना शौचालयाच्या व्हँन्ट पाईपपला जाळया बसविण्याबाबत मार्गदर्शन करण्यात आले.

आण्णा हजारे करणार सरकारविरोधात आंदोलन; सरकारला दिला अल्टिमेटम

योगदिनी रस्त्यावरील खड्ड्यांमध्ये बसून योगासने; स्थानिक प्रश्नाकडे लक्ष वेधले

काय आहे पार्टनर स्वॅपिंग प्रकरण?