बुलढाणा (प्रतिनिधी) : ईद मिलादुन्नबी अर्थात हजरत मोहम्मद पैगंबर साहेब यांच्या १५०१व्या जयंतीनिमित्त अल मदिना फाउंडेशनच्या वतीने रविवार, २३ ऑगस्ट रोजी भव्य रक्तदान शिबिराचे आयोजन करण्यात आले आहे. इक्बाल चौक परिसरातील जामा मशिदीजवळील मैदानात सकाळी ९ ते दुपारी २ वाजेपर्यंत हे शिबिर सुरू राहणार आहे.
दरवर्षीप्रमाणे यंदाही अल मदिना एज्युकेशन फाउंडेशनच्या वतीने पैगंबर मोहम्मद साहेब यांच्या जयंतीनिमित्त विविध सामाजिक व समाजोपयोगी उपक्रमांचे आयोजन करण्यात आले आहे. यंदा १५०१व्या जयंतीनिमित्त विविध उपक्रमांच्या माध्यमातून सामाजिक बांधिलकी जपण्याचा प्रयत्न करण्यात येत आहे.
समाजातील गरजू रुग्णांना वेळेवर रक्त उपलब्ध व्हावे, या उद्देशाने रक्तदान शिबिराचे आयोजन करण्यात आले आहे. रक्तदान हे जीवनदान असून, अधिकाधिक नागरिकांनी या सामाजिक उपक्रमात सहभागी होऊन रक्तदान करावे, असे आवाहन अल मदिना फाउंडेशनचे अध्यक्ष नदीम शेख यांनी केले आहे.
रक्तदान शिबिराची वेळ : रविवार, २३ ऑगस्ट | सकाळी ९ ते दुपारी २
स्थळ : इक्बाल चौक, जामा मस्जिदजवळील मैदान, बुलढाणा.
