तो बैल दोनच दिवसांत शेतातील मशागती दरम्यान खाली बसला
सरकारच्या नियतीतच खोट आहे, हे दिसतं. त्यामुळं आमची सरकारला विनंती आहे की, अन्नदात्याला द्यायचं ते हातचं राखून देऊ नका, तर निमर्ळ आणि मोकळ्या मनानेच द्या! शेवटी तिजोरी ही जनतेची आहे. तर हर्षवर्धन सपकाळ यांनी पोस्ट करत या सरकारला दलिंदर सरकार म्हणतो ते उगाच नाही, अशा शब्दात हल्लाबोल केला आहे. बैल मेल्यामुळे पत्नीला नांगराला जुंपण्याची वेळ आलीः हा व्हिडिओ व्हायरल झाला, मग सरकार जागं झालं. मदतीसाठी एक बैल देण्यात आलाः कॅमेरे आले, फोटो काढले गेले, जाहिराती करत सरकारच्या संवेदनशीलतेचा गाजावाजा सुरू झाला. पण एका दिवसातच तो बैल निकृष्ट निघाला आणि शेतातच कोसळला! ही मदत होती की बळीराजाच्या दुःखाची थट्टा?, असा थेट सवाल सपकाळ यांनी राज्य सरकारला केला आहे.
बुलडाणा – लातूर जिल्ह्यातील देवणी तालुयातील बोंबळी येथील शेतकरी काशिनाथ गायकवाड यांचा एक बैल वीज कोसळून मृत्युमुखी पडला. त्यानंतर पत्नीला औताला जुंपून नांगरणी करत असल्याचा व्हिडिओ सोशल मीडियावर व्हायरल झाला आणि राज्यभरातून हळहळ व्यक्त करण्यात आली. या घटनेचा व्हिडिओ व्हायरल झाल्यानंतर लातूरच्या शेतकर्‍याच्या मदतीला मुख्यमंत्री देवेंद्र फडणवीस धावले. शेतकर्‍यानं बैल नसल्यानं पत्नीला नांगराला जुंपल्याचं दृश्य समोर आल्यानंतर मुख्यमंत्र्यांच्या फोननंतर जिल्हाधिकार्‍यांनी त्या शेतकर्‍याला बैल उपलब्ध करुन दिला. स्थानिक गोशाळेतून शेतकर्‍याला बैल दिला असल्याची माहिती समोर आली आहे. परंतु, सरकारच्या मदतीने मिळालेला तो बैल दोनच दिवसांत शेतातील मशागतीदरम्यान खाली बसला. पशुवैद्यकीय तपासणीत तो आजारी असल्याचे निष्पन्न झाले. परिणामी मदत मिळण्याऐवजी शेतकर्‍यावर आता त्या बैलाच्या उपचाराचा खर्च करण्याची वेळ आली आहे. यावरून रोहित पवार आणि कॉँग्रेस प्रदेशाध्यक्ष हर्षवर्धन सपकाळ यांनी सोशल मिडियावर पोस्ट शेअर करत सरकारवर टीका केली आहे. रोहित पवारांनी सोशल मिडीयावर पोस्ट करत म्हटलं की, विरोधक आणि माध्यमांच्या दबावामुळं लातूर जिल्ह्यातील शेतकर्‍याला नुकसानभरपाई म्हणून दिलेला बैल आजारी निघाला. आता त्याच्या उपचाराचाच खर्च संबंधित शेतकर्‍याला करावा लागतोय. शेतकरी कर्जमाफीची अवस्थाही यापेक्षा वेगळी नाही. द्यायची म्हणून दिलेल्या कर्जमाफीमध्ये अटीशर्तीच जास्त लादून ती बहुतांश शेतकर्‍यांना मिळू नये याची अधिक काळजी घेतली. आता बैलावर उपचारासाठी स्वतःच्या खिशातील पैसे खर्चण्याची वेळ संबंधित शेतकर्‍यावर आली, त्याप्रमाणेच कर्जमाफीसाठीही सरकारने घातलेल्या अटींमुळं आधी स्वतःकडचे पैसे शेतकर्‍यांना भरावे लागणार आहेत. यातून या सरकारच्या नियतीतच खोट आहे, हे दिसतं.
त्यामुळं आमची सरकारला विनंती आहे की, अन्नदात्याला द्यायचं ते हातचं राखून देऊ नका, तर निमर्ळ आणि मोकळ्या मनानेच द्या! शेवटी तिजोरी ही जनतेची आहे. तर हर्षवर्धन सपकाळ यांनी पोस्ट करत या सरकारला दलिंदर सरकार म्हणतो ते उगाच नाही, अशा शब्दात हल्लाबोल केला आहे. बैल मेल्यामुळे पत्नीला नांगराला जुंपण्याची वेळ आलीः हा व्हिडिओ व्हायरल झाला, मग सरकार जागं झालं. मदतीसाठी एक बैल देण्यात आलाः कॅमेरे आले, फोटो काढले गेले, जाहिराती करत सरकारच्या संवेदनशीलतेचा गाजावाजा सुरू झाला. पण एका दिवसातच तो बैल निकृष्ट निघाला आणि शेतातच कोसळला! ही मदत होती की बळीराजाच्या दुःखाची थट्टा?, असा थेट सवाल सपकाळ यांनी राज्य सरकारला केला आहे. एका बाजूला हजारो कोटींच्या घोषणा, जाहिराती आणि इव्हेंटबाजीः तर दुसर्‍या बाजूला संकटात सापडलेल्या शेतकर्‍याला ढोंगी मदतीच्या नावाखाली निकृष्ट बैल दिला जातो. शेतकर्‍याच्या डोळ्यातील अश्रू पुसण्यापेक्षा त्याच्या वेदनांवर स्वतःची मोहीम उभे करणारे हे दलिंदर सरकार आहे, असे म्हणत त्यांनी सरकारवर टीका केली.
तुपकर यांच्या नेतृत्वाखाली शेतकर्‍यांच्या शिष्टमंडळाने जिल्हा परिषदेत धडक
