Breaking News: Leopard on the rampage in Padali village; five goats killed.
वनविभागाकडे तातडीच्या मदतीची मागणी
बुलडाणा | प्रतिनिधी
बुलडाणा तालुक्यातील पाडळी गावात ५ जुलैच्या मध्यरात्री बिबट्याने गोठ्यात घुसून पाच बकऱ्यांचा बळी घेतल्याची धक्कादायक घटना घडली. या घटनेमुळे गावात भीतीचे वातावरण निर्माण झाले असून वनविभागाने तातडीने नुकसानभरपाई देण्याबरोबरच कायमस्वरूपी उपाययोजना कराव्यात, अशी मागणी पाडळी ग्रामस्थांनी केली आहे.
मिळालेल्या माहितीनुसार, अशोक रमेश सोनूने यांच्या घराशेजारील गोठ्यात मध्यरात्री अंदाजे १ ते ३ वाजण्याच्या दरम्यान बिबट्याने प्रवेश केला. या हल्ल्यात चार बकऱ्या जागीच ठार झाल्या, तर एक बोकड ओढून नेल्याचे आढळून आले.
रविवारी (६ जुलै) सकाळी ही घटना उघडकीस आल्यानंतर अशोक सोनूने यांनी ग्रामस्थांना माहिती दिली. त्यानंतर मोठ्या संख्येने नागरिक घटनास्थळी जमा झाले. वनपाल, वनरक्षक आणि पशुवैद्यकीय अधिकाऱ्यांनी घटनास्थळी भेट देऊन पंचनामा केला.
घटनास्थळी पोलिस पाटील, गिरडा येथील राजू गायकवाड, सामाजिक कार्यकर्ते रवी पवार, पत्रकार सिद्धार्थ जाधव तसेच शिवाजी डुकरे, अनिल सुलताने, मंगेश पवार, शिवाजी बुदुखले, गजानन जाधव, शिवाजी पवार, गजानन पवार, डॉ गावंडे, बंडू गायकवाड,अमोल पवार, वसंत पवार यांच्या सह अनेक ग्रामस्थ उपस्थित होते.
घटनेत नुकसान झालेल्या अशोक रमेश सोनूने यांना वनविभागाकडून तातडीने आर्थिक मदत व नुकसानभरपाई द्यावी, अशी मागणी ग्रामस्थांनी केली आहे. तसेच पाडळी गाव डोंगरालगत असल्याने परिसरात जंगली प्राण्यांचा वारंवार वावर असतो. त्यामुळे जंगलालगत संरक्षक कुंपण उभारून बिबट्यासह वन्यप्राण्यांचा गावाकडे होणारा प्रवेश रोखण्यासाठी प्रभावी उपाययोजना कराव्यात, अशी मागणीही वनविभागाकडे करण्यात आली आहे.
नवसाहित्यिक निर्मितीची कार्यशाळा नागसेन वनातील पिंपळ पानाची सळसळ : पद्मश्री डॉ गंगाधर पानतावणे
