इस्लामिक मराठी फिरते ग्रंथालयाचे धामणगाव बढे येथे आगमन

विश्वबातमी टिम
धामणगांव बढे (मोताळा) : इस्लाम धर्मातील विविध विषयावर आधारित मराठी ग्रंथ घेऊन इस्लामिक मराठी प्रकाशनाचे फिरते ग्रंथालय शनिवार, दि.१५ मार्च २०२५ रोजी सकाळी १० वाजता धामणगाव बढे शहरातील ग्रामपंचायत पंचायत समोर आले आहे.

इस्लाम धर्माविषयी लोकांना वास्तविक ज्ञान मिळावे, विविध विषयासंबंधी असलेले गैरसमज दूर व्हावेत जेणेकरून धार्मिक सहिष्णुता वाढीस लागावी हा उदात्त हेतू घेऊन हे ग्रंथालय संपूर्ण महाराष्ट्रात फिरत असते. या ग्रंथालयात शैक्षणिक, सामाजिक, आर्थिक, कौटुंबिक, राजकीय, इ. अनेक विषयासंबंधी इस्लामचा दृष्टिकोन व्यक्त करणारी अनेक पुस्तके उपलब्ध आहेत. विशेषतः पवित्र ग्रंथ कुराण व पैगंबर मुहम्मद यांचे जीवनचरित्र आपल्या मायबोली मराठीत उपलब्ध आहे. तरी रसिक वाचकांनी याचा लाभ घ्यावा असे आवाहन ग्रंथालयाचे संचालक शेख मुसाभाऊ व जमाते इस्लामी हिन्द शाखा शहराध्यक्ष अब्दुल हमीद साहेब व संघटनाचे सर्व सदस्यांनी केले आहे.

इस्लामिक मराठी फिरते ग्रंथालयाचे वैशिष्टे

• शैक्षणिक, सामाजिक, आर्थिक, कौटुंबिक, राजकीय ग्रंथ.
• जीवनचरित्र मायबोली मराठीत.
• इस्लामचा दृष्टिकोन व्यक्त करणारी अनेक पुस्तके उपलब्ध.