वाशीमचे मुख्याधिकारी निलेश गायकवाड कार्यमुक्त
विश्वसनीय सूत्रांकडून मिळालेल्या प्राथमिक माहितीनुसार, निलेश गायकवाड यांची बुलडाणा नगरपरिषदेच्या मुख्याधिकारी पदावर बदली होण्याची शक्यता वर्तविली जात आहे. लवकरच याबाबतचे स्वतंत्र आदेश जारी होण्याची चिन्हे आहेत.
प्रवीण थोरात, बुलढाणा
वाशीमचे विद्यमान मुख्याधिकारी निलेश गायकवाड यांना पदावरून कार्यमुक्त केले असून त्यांची बुलडाणा येथे नियुक्ती होण्याची दाट शक्यता. मुंढे यांना १८ जून २०२६ रोजीच नवीन पदस्थापनेवर रुजू होण्याचे शासनाचे निर्देश. नगर विकास विभागाचे अवर सचिव अ. का. लक्कस यांच्या स्वाक्षरीने निघालेल्या शासन आदेशानुसार, वाशीम नगरपरिषदेचे विद्यमान मुख्याधिकारी निलेश गायकवाड यांना दि. १७ जून २०२६ च्या माध्यान्हानंतर आपल्या सध्याच्या पदावरून कार्यमुक्त करण्यात आले आहे. तसेच त्यांच्या नवीन नियुक्तीचे आदेश स्वतंत्रपणे निर्गमित करण्यात येणार असल्याचे शासनाने आदेशात म्हटले आहे.
हिंगोली नगरपरिषदेचे मुख्याधिकारी (गट-अ) अरविंद मुंढे यांची प्रशासकीय कारणास्तव वाशीम नगर परिषदेच्या मुख्याधिकारी पदावर बदली करण्यात आली आहे. महाराष्ट्र शासनाच्या नगर विकास विभागाकडून १७ जून २०२६ रोजी याबाबतचे अधिकृत आदेश जारी करण्यात आले आहेत. तर दुसरीकडे, वाशीमचे मावळते मुख्याधिकारी निलेश गायकवाड यांची बुलडाणा येथे बदली होणार असल्याची चर्चा प्रशासकीय वर्तुळात सुरू झाली आहे. अरविंद मुंढे आता वाशीम नगरपरिषदेचे नवे मुख्याधिकारी म्हणून धुरा सांभाळतील.
महाराष्ट्र शासकीय कर्मचार्‍यांच्या बदल्यांचे विनियमन आणि शासकीय कर्तव्ये पार पाडताना होणार्‍या विलंबास प्रतिबंध अधिनियम, २००५ मधील तरतुदींनुसार सक्षम प्राधिकार्‍याच्या मान्यतेने घेण्यात आला आहे. मूळ आदेशात नमूद केल्याप्रमाणे गायकवाड यांच्या बदलीने रिक्त झालेल्या जागेवर आता अरविंद मुंढे तात्काळ कार्यभार स्वीकारतील. शासनाने या बदली प्रक्रियेत कमालीची तत्परता दाखवली आहे. अरविंद मुंढे यांना बुधवार, दि. १७ जून २०२६ च्या मध्यान्हानंतर हिंगोलीच्या पदभारातून कार्यमुक्त करण्यात आले असून, त्यांनी दि. १८ जून २०२६ रोजी कोणत्याही परिस्थितीत वाशीम येथील नवीन पदावर रुजू व्हावे आणि तसा अनुपालन अहवाल शासनास तातडीने सादर करावा, असे निर्देश देण्यात आले आहेत.
सिद्धेश मुसळेचे जेईई परीक्षेत यश; ओबीसी कॅटेगिरीत ऑल इंडिया रँक ११५ क्रमांक
