२९ जुलै रोजी वारकरी भवन येथे होणार पुरस्कार वितरण
बुलढाणा : ज्येष्ठ पत्रकार राजेंद्र काळे यांना यंदाचा ‘स्व. ना. गो. अनोकार उत्कृष्ट पत्रकारिता पुरस्कार-२०२६’ जाहीर करण्यात आला आहे. बुधवार, २९ जुलै रोजी सायंकाळी ६ वाजता वारकरी भवन चोपडे यांचा मळा खामगाव येथे आयोजित समारंभात त्यांना हा पुरस्कार प्रदान करण्यात येणार आहे.
ज्येष्ठ पत्रकार स्व. ना. गो. अनोकार यांच्या स्मृतिप्रीत्यर्थ अनोकार परिवाराच्या वतीने पत्रकारिता क्षेत्रात उल्लेखनीय योगदान देणाऱ्या पत्रकाराचा दरवर्षी या पुरस्काराने सन्मान केला जातो. पुरस्काराचे स्वरूप ₹२१ हजार रोख, सन्मानचिन्ह आणि सन्मानपत्र असे आहे.
राजेंद्र काळे यांनी दीर्घकाळ जिल्ह्यात पत्रकारितेच्या माध्यमातून सामाजिक, प्रशासकीय तसेच जनहिताच्या विविध प्रश्नांना वाचा फोडत उल्लेखनीय कार्य केले आहे. त्यांच्या या योगदानाची दखल घेत त्यांची यंदाच्या पुरस्कारासाठी निवड करण्यात आली आहे.
याच समारंभात सेवानिवृत्त मुख्याध्यापिका उषा नागोराव अनोकार यांनी संकलित केलेल्या ‘वेचलेले मोती’ या पुस्तकाचे प्रकाशनही मान्यवरांच्या हस्ते करण्यात येणार आहे. या कार्यक्रमाला पत्रकार, साहित्यप्रेमी आणि नागरिकांनी उपस्थित राहावे, असे आवाहन आयोजकांनी केले आहे.
समृद्धी महामार्गावर मंगळवारी तासभर वाहतूक बंद राहणार; बुलढाणा–जालना दरम्यान गॅन्ट्री बसविण्याचे काम
शारदा ज्ञानपीठचा दुहेरी जल्लोष; सुब्रोतो फुटबॉल कपमध्ये दोन्ही गटांचे जिल्हा विजेतेपद
वरूडमध्ये भव्य आरोग्य शिबिर; ३५१ नागरिकांची मोफत तपासणी, गरजू रुग्णांच्या पुढील उपचारांचेही नियोजन
