समितीचे सदस्य सचिव मनोज मेरत यांचे आवाहन
Caste verification campaign on the occasion of the birth anniversary of Bharat Ratna Dr. Babasaheb Ambedkar
बातमीविश्व टिम
बुलडाणा जिल्ह्यात महामानव भारतरत्न डॉ. बाबासाहेब आंबेडकर यांच्या जयंतीनिमित्त समता पंधरवडा साजरा करण्यात येत आहे. त्यानुसार जिल्हा जात प्रमाणपत्र पडताळणी समितीतर्फे विशेष जात प्रमाणपत्र पडताळणी मोहिम हाती घेण्यात आली आहे.
१ एप्रिल ते १४ एप्रिल २०२५ या कालावधीत राज्यातील इयत्ता ११ वी व १२ वी विज्ञान शाखेतील सन २०२५-२६ मधील प्रवेशित सर्व मागासवर्गीय विद्यार्थ्यांना प्राधान्याने प्रमाणपत्रे उपलब्ध करून दिली जातील. उच्च शिक्षण तसेच व्यावसायिक अभ्यासक्रमांमध्ये प्रवेश घेण्यासाठी जात वैधता प्रमाणपत्र Caste Validity Certificate अनिवार्य असल्याने, कोणत्याही विद्यार्थ्याला या प्रक्रियेत अडथळा येऊ नये म्हणून विशेष शिबिराचे आयोजन करण्यात आले आहे.
बुलडाणा जिल्ह्यातील ११ वी १२ वी विज्ञान व डिप्लोमाच्या तृतीय वर्षातील सन २०२५-२६ मधील प्रवेशीत सर्व मागासवर्गीय विद्यार्थ्यांनी समिती कार्यालयात परिपूर्ण अर्ज सादर करुन जात वैधता प्रमाणपत्र प्राप्त करुन घ्यावे. तसेच ज्या विद्यार्थ्यांना त्रुटी पुर्ततेचा ई-मेल आलेले आहेत, त्यांनी समिती कार्यालयात उपस्थित राहून पुर्तता करुन या विशेष मोहिमेचा लाभ घ्यावा, असे आवाहन संशोधन अधिकारी तथा समितीचे सदस्य सचिव मनोज मेरत यांनी केले आहे.
