ग्रंथालय निधी वाढवण्याबाबत शासन सकारात्मक : उच्च व तंत्रशिक्षण मंत्री चंद्रकांत पाटील

Government positive about increasing library funds: Higher and Technical Education Minister Chandrakant Patil

अभिजीत वंजारी यांनी केला होता प्रश्न उपस्थित

बातमीविश्व टिम

मुंबई- अभिजीत वंजारी यांनी उपस्थित लक्षवेधीवर उत्तर देताना मंत्री पाटील म्हणाले की, ग्रंथालयांचा निधी वाढवण्याबाबत शासन सकारात्मक असून याबाबत अर्थ विभागाकडे पाठपुरावा करण्यात येत असल्याची माहिती उच्च व तंत्रशिक्षण मंत्री चंद्रकांत पाटील यांनी विधानपरिषदेत दिली.

सध्याचा निधी ६०% वाढवण्याचा प्रयत्न सुरू आहे, निधी वाढ करण्यासाठी आवश्यकती माहिती वित्त विभागाकडे सादर केली असल्याचे उच्च व तंत्रशिक्षण मंत्री पाटील यांनी सांगितले. पुढे बोलतांना त्यांनी सांगितले की, प्रत्येक ग्रंथालयाला त्यांचा प्रगती अहवाल पाठवण्यासाठी नवीन कार्य पद्धतीचा अवलंबन करण्यात येत आहे. निधीचा योग्य विनियोग आणि ग्रंथालयांचा दर्जा सुधारण्यासाठी सरकार ठोस पावले उचलत आहे. ग्रंथालयांचे भवितव्य आणि विकास सुनिश्चित करण्यासाठी धोरणात्मक निर्णय घेतले जातील, असेही उच्च व तंत्रशिक्षण मंत्री श्री.चंद्रकांत पाटीलChandrakant Patil यांनी सांगितले.